EN
Kolegji Universitar i Biznesit si pjesë e Projektit “Educatinal Capacity Strengthening for Risk Management of Non-native Aquatic Species in Western Balkans – RISKMAN” së bashku me 12 partnerë të tij nga Ballkani Perëndimor dhe Bashkimit Europian, vijon të ndjekë me sukses zbatimin e vitit të dytë të tij.
Ky projekt mbeshtetet nga programi i Bashkimit Europian Erasmus + CBHE 2020. Qëllimi kryesor i projektit është të promovojë edukimin e palëve të interesuara dhe arsimin e lartë, në fushën e vlerësimit të rrezikut të specieve jovendase dhe të stimulojë kërkimin dhe bashkëpunimin në menaxhimin e specieve jovendase në Rajonin e Ballkanit Perëndimor.
Përgjatë vitit 2022 në takimet e realizuara ndërmjet partnereve (online dhe fizikisht) fokusi i zbatimit të tij ka qenë kryesisht:
Zhvillimi i një kursi të përshtatur për të rinjtë e papunë – nëpërmjet përgatitjes dhe zhvillimit të materialeve të kursit të përshtatur në përputhje me natyrën e projektit; të organizimit të trajnimeve me vendet partnere të projektit; hartimi i kornizës së politikave për krijimin e profesionit të ri si “Menaxheri i Riskut”.
Kontrolli i cilësisë – me qëllim menaxhimin efektiv të projektit dhe kryerjen në kohe e me efektivitet të aktiviteteve që janë planifikuar në projekt. Për zbatimin e kësaj pakete pune është ngritur Komiteti i Cilësisë.
Aktivitetet e shpërndarjes së veprimtarive të projektit – në të cilën janë angazhuar individualisht të gjithë partnerët. Roli i kësaj pakete pune është të lidhë projektin me aktorët kryesorë, të angazhojë shoqërinë, të rrisë ndërgjegjësimin e publikut dhe të nxisë praktikat e kapaciteteve të arsimit të lartë drejt një komuniteti të shkolluar mbi specie non-native. Gjithashtu të përgatisë dhe shpërndajë të gjitha produktet e projektit.
