KUB ka në dispozicion një kampus të bukur me dy godina (A dhe B) me nga 4 kate me infrastrukturë dhe mjedise bashkëkohore, të cilat shërbejnë për ta bërë sa më tërheqës procesin mësimor dhe sa më aktive jetën sociale. Godinat e KUB disponojnë facilitete në përmbushje të misionit edukativ dhe jo vetëm, si: salla leksionesh dhe seminaresh, laboratorë kompjuterësh, laboratarë elektrik, laborator mekanik, librari, bibliotekë, internet kafe, mjedise të gjelbërta çlodhëse, parking, ambjente të kondicionuara, etj.
Përjetoni eksperiencën më të re të KUB duke naviguar direkt në godinat realet të Kolegjit Universitar të Biznesit nëpërmjet teknologjisë më inovative 3D.
Klikoni Butonin Play !
Nuk e besoni, shikojeni vete ju
Godina A e Kolegjit Universitar të Biznesit është vendodhja e zyrave më të rëndësishme të institucionit si ajo e presidentit, rektorit apo dekanëve. Pjesë përbërëse e kësaj godine është dhe zyra e financës, burimeve njerëzore apo dhe zyra e karrierës. Në të janë të vendosura zyrat e stafit akademik, një numër i madh sallash leksionesh dhe seminaresh, laboratori i informatikës, biblioteka por dhe kancelaria. Hapësirat shlodhëse dhe coffee Bar janë një vlerë e shtuar e kësaj godine
Godina B e këtij institucioni është e përbërë nga laboratorët e mekanikes, elektrikes dhe kompjuterikes. Në përbërje ka një numër të madh sallash leksionesh dhe seminaresh me kapacitete të larta por dhe zyrat e senatit akademik. Pjesë përbërëse e saj është dhe salla e konferencave, takimeve, leksioneve të hapura apo workshopeve. Në këtë godinë gjenden dhe mjediset shplodhëse dhe coffe bar.
Në këtë laborator, studentët projektojnë dhe zbatojnë sisteme të bazuara në një mikrokontrollues PIC16F877A duke përdorur Bordin e Zhvillimit EasyPIC. Studentët përdorin gjuhën e asamblesë dhe gjuhën e programimit C/C++ për të shkruar programe që do të ekzekutojnë dhe kontrollojnë pajisjet periferike të EasyPIC Development Board.Ky laborator përmban pajisje teknologjike dhe kompjuterë të organizuar në katër rafte rrjeti. Çdo raft përmban, përveç PC-ve, dy ndërprerës Cisco dhe një router Cisco që përdoren për të simuluar një mjedis real të rrjetit kompjuterik. Laboratori përmban gjithashtu nëntë pika aksesi Cisco dhe gjashtë rutera pa tel MikroTik për të konfiguruar rrjetet me valë.
Kolegji Universitar i Biznesit ofron mjedise shplodhëse dhe rekreacioni për studentët e tij. E përbërë me dy godina dhe në secilën prej tyre përfshihen internet coffe Bar, mjedise të gjelbërta dhe hapësira të posaçme dedikuar biçikletave.
Duke klikuar “Prano të gjitha”, ju pranoni ruajtjen e skedarëve të personalizimit në pajisjen tuaj për të përmirësuar navigimin në faqe, për të analizuar përdorimin e sajtit dhe për të ndihmuar në përpjekjet tona të marketingut.