Kolegji Universitar i Biznesit (KUB) që në themelimin e tij është përqëndruar te studentët, për ti veshur ata me dijet dhe njohuritë bashkëkohore që e ndihmojnë atë për progresin e tyre në tregun e punës dhe/ose karrierën profesionale dhe njëkohësisht edhe si qytetarë të denjë të shoqërisë ku jetojmë.
Në vazhdimësi mbështetur në këtë filozofi, KUB, si institucion arsimor , është përpjekur te formojë studentët jo vetem me dijet e nevojshme, por edhe me njohuri të, duke synuar formimin e qëndrueshëm profesional dhe fleksibilitetin, në përputhje me zhvillimet dhe tendencat bashkëkohore të tregut të punës dhe evolucionit të profesioneve.
Sidoqoftë, në kohën e rrjeteve sociale, lidhja me studentët e diplomuar nuk ndalet me këtë. Kolegji Universitar i Biznesit e ka të qartë se një marrëdhënie e fortë dhe pozitive me ish-studentët mund t’u sjellin dobi jo vetem KUB-it por dhe vete atyre në kuadrin e edukimit të tyre gjatë gjithë jetës. Po kështu edhe komuniteti i të diplomuarve ka kuptuar që nuk është thjesht një nostalgji e thjeshtë që ata i lidhin me universitetin e tyre, por është shumë përtej kësaj. KUB ka një rol ndëraktiv me aktorët e biznesit në kuadër të zhvillimt të praktikave profesionale, punësimit të studentëve, transferimit të njohurive dhe shkëmbimit të ndërsjelltë të eksperiencave, për ti dhënë një vlerë të shtuar arsimit të lartë shqiptar. Përmes studimeve të përvitshme të cilat janë tregues real nga zyra e Alumnit që ne na bëjnë shumë krenar si më poshtë:
• Nga anketimet e studentëve të diplomuar në Fakultetin e Ekonomisë gjatë viteve 2012-2020) rezulton se mbi 95% e studentëve të diplomuar janë të punësuar.
• Nga anketimet e studentëve të diplomuar në Fakultetin e Drejtësisë gjatë periudhës 2012-2020 rezulton se 90% e tyre janë të punësuar.

• Pjesa më e madhe e studentëve të programeve profesionale janë punësuar në profesion
• Mbi 90% e studentëve të punësuar, punojnë në profesion.