EN
Kolegji Universitar i Biznesit shpall vende vakante për personel akademik me kohë të plotë për vitin akademik 2026–2027, pranë Fakultetit të Inxhinierisë dhe Shkencave Kompjuterike (FISHK), sipas pozicioneve të mëposhtme:
Pozicionet e Hapura:
- Lektor / Kërkues Shkencor (Full Time) – Inxhinieri Elektronike (2 vende)
- Lektor / Kërkues Shkencor (Full Time) – Inxhinieri Softuerike / Inxhinieri Informatike (2 vende):
- 1 (një) profil në fushën FinTech / Teknologji Financiare
- 1 (një) profil në fushën Informatikë Biznesi / Sisteme Informacioni në Biznes
Kërkesat e përgjithshme:
- Të ketë si rregull shtetësinë shqiptare ose të jetë rezident.
- Të gëzojë zotësi të plotë për të vepruar dhe të jetë i aftë për punë.
- Të përmbushë kërkesat për nivelin arsimor si dhe të zotërojë aftësinë profesionale të domosdoshme për vendin e punës.
- Të mos jetë dënuar me vendim gjykate të formës së prerë për kryerjen e një krimi, apo të mos ketë filluar një çështje penale për aktivitetin e tij.
- Të mos jetë marrë masa disiplinore e largimit nga puna për shkak të një shkeljeje të rëndë disiplinore.
- Të njohë dhe të respektojë zbatimin e legjislacionit për arsimin e lartë në Shqipëri.
Kriteret minimale:
- Të zotërojnë gradën shkencore “Doktor” ose të jenë në fazë të avancuar të studimeve doktorale në fushën përkatëse.
- Të kenë përvojë në mësimdhënie në arsimin e lartë, si dhe përvojë profesionale dhe/ose kërkimore në profilin përkatës.
- Të kenë aftësi për zhvillimin e leksioneve, seminareve, laboratorëve dhe projekteve praktike.
- Të zotërojnë njohuri mbi teknologjitë bashkëkohore dhe zhvillimet aktuale në fushat përkatëse: softuerit, informatikës, FinTech dhe Informatikës së Biznesit.
- Të kontribuojnë në veprimtarinë kërkimore-shkencore, publikime, projekte akademike dhe procese akreditimi.
Dokumentacioni i aplikimit: Kërkesë për aplikim dhe letër interesi; CV; Dokument Identifikimi; Fotokopje të diplomave, listave të notave, gradave/titujve akademikë; Dëshmi të gjuhëve të huaja; Kopje të kualifikimeve; Librezë pune; Vërtetim të përvojës akademike/profesionale; Listën e botimeve shkencore dhe vërtetime që provojnë përmbushjen e kërkesave.
Afati dhe dorëzimi: Dokumentacioni mund të dorëzohet fizikisht pranë Zyrës së Burimeve Njerëzore, me postë ose përmes adresës elektronike [email protected] brenda datës 11 Korrik 2026.