Një Eksperiencë Unike e Praktikës Profesionale në Itali

Si pjesë e Projektit Co-Host, dhe me mbështetjen e Kolegjit Universitar të Biznesit dhe Shkollës Teknike Korçë, 15 studentë shqiptarë patën privilegjin të realizonin një internship dyjavor në Folinjo, Itali. Kjo eksperiencë e vlefshme u mundësoi atyre të thellojnë njohuritë dhe të fitojnë aftësi praktike në sektorin e Turizmit dhe Mikpritjes, duke i përgatitur më mirë për tregun ndërkombëtar të punës.

Studentët u angazhuan në disa fusha kryesore:

• Restorante lokale – Përvojë si ndihmës kuzhinierë dhe kamerierë
• Hotele – Aftësim në mikpritje si recepsionistë
• Agjenci udhëtimesh – Njohuri mbi planifikimin e udhëtimeve si ndihmës agjentë udhëtimi
• OJQ lokale – Zhvillim i aftësive dixhitale si ndihmës zhvillues web-i

Ky program jo vetëm që kontribuoi në zhvillimin profesional të studentëve, por gjithashtu krijoi një mundësi të rëndësishme për shkëmbim kulturor dhe rritje personale.