EN
Në mbështetje të neneve 147 dhe 149 të Kushtetutës së Republikës së Shqipërisë dhe ligjit nr. 115/2016 “Për organet e qeverisjes së sistemit të drejtësisë” , Sekretari i Përgjithshëm i Kuvendit ka shpallur procedurat për plotësimin e vendeve vakante në organet e larta të drejtësisë.
Kjo thirrje i drejtohet trupës së pedagogëve të fakulteteve të Drejtësisë dhe Shkollës së Magjistraturës për pozicionet si vijon:
- 2 (dy) vende vakante për anëtarë të Këshillit të Lartë Gjyqësor (KLGJ).
- 1 (një) vend vakant për anëtar të Këshillit të Lartë të Prokurorisë (KLP).
Procedura dhe Afatet
Rektori i institucionit të arsimit të lartë ka detyrimin ligjor të shpallë thirrjen për paraqitjen e shprehjeve të interesit jo më vonë se 7 ditë nga njoftimi i vendeve vakante nga Kuvendi. Kandidatët duhet të plotësojnë kriteret ligjore, verifikimi i të cilave do të kryhet nga Dekanati i Fakultetit të Drejtësisë.
Dokumentacioni i Nevojshëm
Kandidatët e interesuar duhet të plotësojnë dhe dorëzojnë formularët e mëposhtëm të vetëdeklarimit:
- Formulari për garantimin e integritetit (Ligji i Dekriminalizimit).
- Formulari për të drejtën e informimit mbi dokumentet e ish-Sigurimit të Shtetit.
- Formulari i konfliktit të interesit.
- Formulari i kalimit me sukses të procesit të rivlerësimit (Vetting).
- Formulari për mosskualifikimin e mëparshëm për figurën dhe pasurinë.
Informacione Shtesë
Për detaje të plota dhe akses në dokumentacionin zyrtar, mund të vizitoni faqen zyrtare të Kuvendit të Shqipërisë në linqet e mëposhtme: