Është diplomuar për kontabilitet në Institutin e Lartë të Bujqësisë (sot UBT) në vitin 1978. Ka punuar 5 vjet si shefe e kontabilitetit dhe në vitin 1983 fillon punë si asistente pedagoge. Gjatë këtyre viteve ka punuar për kualifikimin e saj dhe mban titullin “Profesor” që nga viti 2007. Ka qene përgjegjëse e departamentit Financë Kontabilitet për periudhen 2016- 2020. Ka qenë anëtare e Senatit të UBT-së dhe kryetare e grup-lëndëve të kontabilitetit. Ka qenë anëtare e Këshillit Kombëtar të Kontabilitetit (KKK) nga viti 2005 dhe aktualisht nënkryetare e tij, si dhe nënkryetare e shoqatës së kontabilistëve në Shqipëri e Kosovë. Ka botuar mbi 50 artikuj brenda e jashtë vendit, pjesëmarrëse në shumë konferenca shkencore, kryesisht jashtë vendit, dhe ka ofruar e ofron ekspertizë në projekte të fushës kontabël. Si lektore jep mësim në modulet: Kontabilitet Financiar, Kontabilitet i Avancuar.