Në epokën e transformimeve të shpejta teknologjike dhe sfidave mjedisore, inovacioni dhe teknologjia luajnë një rol kyç në zhvillimin e një ekonomie të qëndrueshme dhe të gjelbër. Konferenca ndërkombëtare shkencore “Inovacioni, Teknologjia dhe Biznesi i Gjelbër” synon të krijojë një platformë akademike dhe profesionale për të diskutuar mbi ndikimin e inovacionit dhe teknologjisë në tranzicionin drejt modeleve të qëndrueshme të biznesit. Duke bashkuar ekspertë nga fusha të ndryshme si shkenca kompjuterike, teknologjia e informacionit, arsimi, ekonomia, drejtësia dhe arsimi profesional, kjo konferencë synon të ofrojë ide dhe gjetje kërkimore mbi zhvillimet më të fundit në: modelet inovative të biznesit të gjelbër; teknologjitë e qëndrueshme dhe dixhitalizimin në ekonomi; polotikat dhe strategjitë për një zhvillim afatgjatë, ekonominë qarkulluese dhe ndikimin e saj në sektorë të ndryshëm. Çështje kyçe si: siguria kibernetike në epokën e AI, transformimi dixhital i arsimit për zhvillim të qëndrueshëm, financat e gjelbra dhe rregulloret ligjore për bizneset ekologjike do të jenë në fokus, duke ofruar një hapësirë të pasur për debat dhe ndarje të njohurive. Kjo konferencë fton studiuesit, politikëbërësit dhe profesionistët të kontribuojnë me punime dhe ide që ndihmojnë në ndërtimin e një të ardhmeje më të gjelbër dhe më të qëndrueshme për brezat e ardhshëm.