EN
🔹 Në vijim të bashkëpunimit me Bashkinë Berat në projekte financuar nga AKKSHI, nën kujdesin e Zyrës Arsimore Berat, u zhvillua workshopi me temë : “Nga klasa në profesion dhe në karrierë – si të forcojmë lidhjen ndërmjet Arsimit të Lartë dhe Arsimit Parauniversitar ”
✔️ Ky aktivitet u përcoll në formën e një ftesë për bashkëbisedim dhe bashkëpunim, për të gjetur dhe forcuar urat e bashkëpunimit midis dy niveleve të arsimit, në zbatim të strategjive kombëtare për arsimin 2030.
📌 Në prezantimet e tyre profesorët Enis Fita, Shpëtim Cami dhe Ardi Bezo, u theksua nevoja e këtij bashkëpunimi në funksion të rritjes së cilësisë arsimit, Misionit të Tretë të Universiteteve, Shkencës së Hapur, Inovacionit dhe mbështetjes së talenteve të reja.
🔵 Në fokus përvojat pozitive të deritanishme, kontributet dhe përfitimet e të gjitha palëve nga nxënësit dhe studentët deri në nivel politikash kombëtare.
U theksua në mënyrë të veçantë mbështetja e KUB gjatë gjithë fazave të Festivalit të Shkencës në të tre nivelet e zhvillimit të tij nga konkurimi në nivel shkolle deri në nivel drejtorie rajonale.
▫️KUB do të vazhdoj të jetë edhe në ardhmen një krah i fortë i arsimit parauniversitar për pasurimin dhe mirëmbajtjen e laboratorëve dhe bibliotekave, për mbështetje e Festivalit të Shkences dhe talenteve të reja.
Në workshop morën pjesë përfaqësues të arsimit parauniversitar, drejtues nga Zyra Vendore Arsimore dhe staf akademik .
🙏 KUB shpreh falenderime dhe mirënjohje për organizatorët dhe pjesëmarrësit duke garantuar që do të jetë një partner afatgjatë dhe i qëndrueshëm i arsimit parauniversitar dhe vetqeverisjes vendore.
