WORKSHOP II NË BASHKINE BERAT, PROJEKTI IDVA

Workshop II — Nga Struktura e të Dhënave te Vendimmarrja Territoriale – IDVA

Workshop-i II Operativ i projektit “Inovacioni Dixhital për Valorizimin e Trashëgimisë Mjedisore dhe Kulturore Lokale” – IDVA / DIVA u zhvillua në ambientet e Bashkisë së Beratit në kuadër të bashkëpunimit ndërmjet KUB dhe institucioneve vendore.
Workshop-i u fokusua në demonstrimin e mënyrës se si analiza territoriale ndërtohet duke u nisur nga të dhënat e strukturuara, përpara hartave, dashboard-eve apo dokumenteve strategjike. Pjesëmarrësit u njohën me arkitekturën konkrete të sistemit IDVA: indikatorët, baza e të dhënave, shtresat GIS dhe procedurat e validimit.
Ndryshe nga prezantimet tradicionale, sesioni tregoi një sistem plotësisht funksional dhe tashmë operacional: një infrastrukturë digjitale territoriale që mbështet analizën, planifikimin dhe vendimmarrjen.
Workshop-i përfaqësoi një hap të rëndësishëm në transferimin e metodave të kërkimit të aplikuar në punën e përditshme të institucioneve publike dhe forcon rolin e KUB në zhvillimin e instrumenteve praktike të qeverisjes të bazuara në të dhëna.