EN
Sot, në kuadër të mbështetjes dhe promovimit të Festivalit të Shkencës 2026🧪📚 dhe në vijim të bashkëpunimit të frytshëm mes institucioneve arsimore 🤝, Kolegji Universitar i Biznesit 🏫 pati kënaqësinë të mirëpresë në ambientet e tij nxënësit e shkollës së mesme “Sami Frashëri” Tiranë 👩🎓👨🎓, të cilët prezantuan projektet e tyre inovative përpara stafit akademik dhe studentëve të universitetit.
Gjatë aktivitetit u prezantuan projektet “TapTag”, “Bioself”, “VerteX”, “NAVISION”, “Terranode” dhe “PancreaTech” 💡📊, të cilat dëshmuan nivel të lartë kreativiteti, përgatitjeje dhe përkushtimi nga ana e nxënësve pjesëmarrës. Projektet sollën ide bashkëkohore dhe zgjidhje inovative në fusha të ndryshme të shkencës dhe teknologjisë, duke reflektuar potencialin dhe seriozitetin e brezit të ri në kërkimin shkencor dhe inovacion.
Nxënësit u shoqëruan nga mësuesja e Fizikës Alma Tase 👩🏫, e cila ka luajtur një rol të rëndësishëm në orientimin dhe mbështetjen e tyre gjatë realizimit të projekteve.
🎖️ Në shenjë vlerësimi dhe mirënjohjeje për angazhimin dhe punën e treguar, Kolegji Universitar i Biznesit shpërndau certifikata vlerësimi 📜 për të gjithë pjesëmarrësit. Gjithashtu, Rektori i universitetit falënderoi nxënësit dhe mësuesen shoqëruese për kontributin dhe seriozitetin e treguar, duke i inkurajuar ata të vazhdojnë rrugëtimin e tyre drejt dijes dhe inovacionit 🚀✨.
🔍 Aktiviteti vijoi me një vizitë në ambientet universitare 🏫, ku nxënësit patën mundësinë të njihen më nga afër me laboratorët dhe infrastrukturën moderne të universitetit, si dhe me programet akademike që ofron Kolegji Universitar i Biznesit.
👏🌟 Një aktivitet frymëzues, që forcon bashkëpunimin mes arsimit parauniversitar dhe atij të lartë, duke motivuar të rinjtë drejt ekselencës, shkencës dhe inovacionit
