EN
Isa Llanaj, ish-student i Kolegji Universitar të Biznesit dhe aktualisht Audit Consultant pranë kompanisë ndërkombëtare Deloitte Audit Albania, u rikthye në KUB për të ndarë me stafin dhe studentët një leksion të hapur frymëzues me temën:
“Veprimtaria dhe jeta studentore në KUB dhe përballja me profesionin pas diplomimit.”
Gjatë diskutimit, Isa ndau me studentët:
- rëndësinë e angazhimit aktiv në jetën studentore dhe në projektet që KUB ofron;
- eksperiencën e tij si kryetar i Këshillit Studentor dhe se si kjo e ndihmoi në ndërtimin e aftësive drejtuese dhe bashkëpunuese;
- mënyrën se si rrjeti i krijuar gjatë studimeve u bë një pikënisje për karrierën profesionale;
- sfidat dhe mundësitë që vijnë pas diplomimit;
- këshilla për përgatitjen dhe përballjen me tregun e punës në fushën e auditimit dhe financës.
Faleminderit për rikthimin e tij në KUB dhe për ndarjen e një përvoje që frymëzon çdo student të ndjekë rrugën e suksesit me përkushtim e profesionalizëm!
