EN/AL

Leksion i Hapur nga Dr. Ilirjana NANO

Detajet

Ditën e sotme, datë 29.01.2018, në ambientet e Akademisë Profesionale të Biznesit u zhvillua leksioni i hapur me temë: Shteti dhe e drejta në epokën e Skënderbeut. Leksioni u mbajt nga Dr. Ilirjana NANO, përgjegjëse e Departamentit të së Drejtës Publike në FD të APB.

Ky aktivitet u zhvillua në kuadër të vitit të Skënderbeut, që përkon me 550 vjetorin e vdekjes së heroit tonë kombetar.

Në fokus të leksionit ishin organizimi shtetëror i Lidhjes së Princave Shqiptarë që nga krijimi i Lidhjes në Lezhë më 2 mars 1444, deri në vdekjen e Skënderbeut si dhe sistemet e së drejtës që vepronin në Arbëri në këtë periudhë, duke u përqendruar tek e drejta pozitive dhe ajo zakonore.

Nje vëmendje e veçantë iu kushtua edhe marrëdhënieve ndërkombëtare të shtetit të Skënderbeut, në veçanti traktatet e lidhura me Republikën e Venedikut më 1448 dhe me mbretin Alfons të Napolit (Traktati i Gaetës) më 1451, ku në rastin e parë Lidhja e Princave del për herë të parë dhe të vetme si subjekt i marrëdhënieve ndërkombëtare dhe në rastin e dytë ishte vetë Skënderbeu si përfaqësues i Principatës së Kastriotëve subjekt.

Leksioni u mirëprit nga studentët dhe pedagogët e pranishëm dhe nxiti diskutime dhe pyetje rreth çështjeve të cilat u trajtuan.

Në përfundim u vlerësua nevoja për një shtim të aktiviteteve në kuadër të vitit të Skënderbeut, për të ndriçuar edhe më tepër aspekte të jetës dhe veprimtarisë së heroit tonë kombëtar.

#apbcommunity #apbhistory

27067814_2075718172672640_4867598633516527929_n27336357_2075718126005978_7768850395295812072_n

Share on facebook
Facebook
Share on twitter
Twitter
Share on linkedin
LinkedIn

NA NDIQNI

© Kolegji Universitar I Biznesit        |

Crafted By  © Suli

WeCreativez WhatsApp Support
Qëndra jonë e shërbimit do tju përgjigjet në cdo moment, mjafton të na shkruani

Ky sajt interneti përdor Cookies!

Duke klikuar “Prano të gjitha”, ju pranoni ruajtjen e skedarëve të personalizimit në pajisjen tuaj për të përmirësuar navigimin në faqe, për të analizuar përdorimin e sajtit dhe për të ndihmuar në përpjekjet tona të marketingut.