Leksion i hapur me Znj. Erinda Ballanca, Avokate e Popullit

Në datë 11.4.2018, në ambientet e KUB u zhvillua një leksion i hapur me Avokaten e Popullit znj. Erinda Ballanca.
Në këtë leksion morën pjesë studentë dhe pedagogë të Kolegjit Universitar të Biznesit.
Znj. Erinda Ballanca foli për Avokatin e Popullit si një organ kushtetues i parashikuar për herë të parë në Kushtetutën e Republikës së Shqipërisë të vitit 1998. Sipas saj në krijimin e këtij organi është marrë parasysh modeli i vendeve skandinave.
Në këtë leksion u trajtua gjerësisht roli i institucionit të Avokatit të Popullit në funksion të mbrojtjes së të drejtave dhe lirive të individit të cilat mund të cënohen nga organet e administratës publike. Gjithashtu u fol edhe për të drejtën e Avokatit të Popullit për t’iu drejtuar Gjykatës Kushtetuese dhe jurisprudencën përkatëse të kësaj gjykate.
Leksioni u ndoq me shumë interes nga studentët, të cilët i drejtuan pyetje të shumta znj. Ballanca për çështje që paraqisnin interes për ta.
Kolegji Universitar i Biznesit falenderon Avokaten e Popullit, znj. Erinda Ballanca për vizitën dhe leksionin e hapur të mbajtur në institucionin tonë.