Në kuadër të aktiviteteve të “Muajit të Evropës”, sot më datë 5 maj në mjediset e Akademisë Profesionale të Biznesit u zhvillua leksion i hapur me Pedagogun e lëndës e Drejta Evropiane, Z. Dorian Leka.
Ajo çka e bëri dhe më të veçantë dhe tërheqës leksionin, ishte formati i tij interaktiv në formën e një loje – fjalëkryqi duke gërshetuar aspektin e njohjeve teorike me dimensionin social të edukimit ndërveprues. Studentët pjesëmarrës të ndarë në grupe pune zgjidhën dhe një fjalëkryq që lidhej me tematikën e lëndës e drejta evropiane. Ndërsa në fund studentët e vitit të dytë të Fakultetit të Drejtësisë sollën një prezantim që kishin përgatitur mbi Traktatin e Lisbonës.