Konferenca Model NATO 2016

Arditi, Ana, Eriola, Bernardeta dhe Rajomnda
ishin përfaqësuesit tanë dinjitozë në Konferencën 2-ditore Model Nato, e cila u mbajt në datat 2-3 dhjetor 2016.

Qëllimi i Konferencës Model NATO  ishte:

• Sigurimi i përvojës praktike mbi kulturën politike ndërkombëtare dhe strukturat e saj nëpërmjet moduleve të simulimit të cilat nxisin diplomaci, tolerancë analizë politike, negociata, zgjidhje konfliktesh, lidership dhe punë të suksesshme në grup;
• Sigurimi i një mjedisi të favorshëm për komunikim, një forum idesh dhe ndarje informacioni dhe një theks mbi dialogun ndërkulturor dhe tolerancën; Përgatitja e një brezi të rinj qytetarësh të ndërgjegjshëm, duke i edukuar ata mbi procesin e benefitet e mendimit kritik, shprehjes së lirë, aftësitë e lidershipit dhe tolerancën ndaj mendimit të të tjerëve.

Në këtë konferencë morën pjesë përfaqësues të institucioneve diplomatike, ministrive, akademik, etj., ku vlen të përmendim  Z. Saimir Tahiri – Ministër i Punëve të Brendshme, Z. Ruan Roberts – Shefi i Marrëdhënies me Publikun në Ambasadën Amerikane, Z. Ruzhdi Kuçi – Rektor i Akademisë Ushtarake, Znj. Nora Malaj – Zv. Ministër i Arsimit dhe Sportit, Znj. Arjola Xoxa – Juriste, etj.

Akademia Profesionale e Biznesit falënderon BYLA  për mundësitë  dhe iniciativat që ndërmarrin duke ju ardhur në ndihmë studentëve tanë si dhe të rinjve shqiptarë në mbarë vendin.