EN
🥇Kolegji Universitar i Biznesit organizoi pranë ambienteve të tij ceremoninë e dhënies së titullit “Doctor Honoris Causa” Prof. Dr Leandro Haxhit me pjesëmarrje të familjarëve, kolegëve, miqëve, ish studentëve dhe jo vetëm.
😍Përkushtimi dhe angazhimi i tij ka ndikuar drejtpërdrejt në rritjen dhe thellimin e nivelit shkencor, si dhe në zhvillimin e fushës së kontabilitetit dhe ekonomisë agrare në Shqipëri.
📌 Kontributet e tij janë një gur themeli për institucionet akademike, duke i dhënë një dimension të ri të zhvillimit të këtyre fushave dhe duke krijuar mundësi për kërkime të mëtejshme dhe përparim në sektorët që lidhen me to.
Profesor Haxhi ka një sërë realizimesh akademike dhe kërkimore që dëshmojnë punën dhe përkushtimin e tij të jashtëzakonshëm.
☺️ Një tjetër aspekt i rëndësishëm i karrierës së Profesor Haxhit janë dëshmitë dhe dekoratat që ka marrë për kontributin e tij të shquar në shkencë dhe arsimin shqiptar.
Po ashtu, është e rëndësishme të theksojmë se Profesor Haxhi, që nga viti 2011 e deri më sot, ka dhënë kontributin e tij si profesor i nderuar, si dhe ka mbajtur pozita të rëndësishme drejtuese akademike në Kolegjin Universitar të Biznesit, duke ndikuar në zhvillimin dhe forcimin e jetës akademike dhe institucionale të kolegjit. Përkushtimi dhe vizioni i tij kanë ndihmuar që Kolegji Universitar i Biznesit të arrijë suksesedhe të krijojë mundësi për rritjen e cilësisë së mësimdhënies dhe kërkimit shkencor.
▶️ Ky titull është një simbol i mirënjohjes për punën dhe përkushtimin e tij, që do të mbetet gjithmonë një shembull frymëzues për brezat e ardhshëm.
Plot vlerësim, mirënjohje dhe emocion ishin fjalët e Rektorit të Kolegjit Universitar të Biznesit Prof. Dr. Ylber Bezo ku shprehet se rrugëtimi me profesor Haxhin si ish student i tij, koleg dhe mik ka qënë një nga dhuratat më të çmuara në jetën e tij profesionale dhe personale.
✔️Një aspekt shumë i rëndësishëm dhe frymëzues i trashëgimisë së Profesorit është ai i ndikimit të tij të drejtpërdrejtë në formimin dhe zhvillimin e shumë brezave të rinj. Shumë ish-studentë të Profesor Haxhit, të cilët kanë pasur mundësinë të mësojnë dhe të udhëhiqen nga ai, sot mbajnë pozita të rëndësishme drejtuese në administratën publike, kompani private dhe institucione të tjera kyçe në shoqërinë tonë.
Ky fakt pasqyron jo vetëm aftësitë dhe përkushtimin e Profesorit si pedagog dhe mentor, por edhe ndikimin që ai ka pasur në formimin e liderëve të së ardhmes. Ky është një testament i vlerës së mësimeve të tij dhe i ndikimit të qëndrueshëm që ka pasur në jetën e shumë individëve që kanë pasur privilegjin të mësojnë nga ai.
😍Është privilegj i jashtëzakonshëm që Kolegji Universitar i Biznesit nderon Profesor Leandro Haxhin me këtë titull. Puna dhe rezultatet e tij janë frymëzim për breza me radhë kolegësh, studentësh dhe miqsh
