Kampion të “UNYT Universities Tournament 2017”

Përfaqësuesja jonë e futbollit shpallet kampion e “UNYT Universities Tournament 2017″.
Në një ndeshje të jashtëzakonshme dhe plot emocione, ku mbizotëroi shpirti i garës dhe fairplay sportiv përfaqësuesja jonë arriti të shpallet kampion duke fituar me rezultatin 6-4 kundër përfaqësueses së CIT-it. Ky trofe vjen pas një pune të vazhdueshme, ç’ka solli dhe një performancë të jashtëzakonshme gjatë këtij kompeticioni duke i fituar të gjitha sfidat bindshëm.

Një falënderim të përzemërt për çunat tanë Gockaj, (c) Kola, Taga, Krasniqi, Hajdari, Lalaj, Myftaraj dhe Karruka të cilët na dhuruan emocione dhe na bënë të ndihemi krenar me vlerat sportive dhe qytetare që përcollën në fushë. Një falënderim i veçantë shkon dhe për trajnerin tonë të përfaqësueses Enis Fita, i cili punon fortë që emri i përfaqësueses tonë të rritet çdo ditë e më tepër. Gjithashtu, falënderime dhe për stafin organizativ si dhe tifozët, pa të cilët kjo fitore nuk do të kishte kuptim.

Falënderime dhe për UNYT për organizimin e këtij kompeticioni kaq interesant!

#wearethechampions