EN
Sot, në kuadër të Javës së Orientimit në Kolegjin Universitar të Biznesit, u zhvillua një takim informues me studentët, ku në fokus ishin mundësitë që ofron programi Erasmus+ dhe përvoja e jashtëzakonshme që kjo nismë evropiane i sjell çdo studenti.
Studentët u njohën me mënyrat e aplikimit, përfitimet nga shkëmbimet akademike në universitetet partnere në Europë, përvojat ndërkulturore dhe zhvillimin personal dhe profesional që vjen nga pjesëmarrja në këtë program.
Ky takim shërbeu si një udhërrëfyes i rëndësishëm për studentët e rinj që sapo kanë nisur rrugëtimin e tyre akademik, duke i orientuar drejt mundësive më të mira që ofron universiteti dhe bashkëpunimi ndërkombëtar.
