Fjala përshëndetëse nga Parlamenti Europian me rastin e 10-vjetorit të Kolegjit Universitar të Biznesit të Eurodeputetes së parë shqiptare Zj. Arba KOKALARI

Në mbrëmjen Gala të 10 vjetorit të Kolegjit Universitar të Biznesit, përveç mesazheve dhe urimeve të drejtuesve të KUB, stafit akademik, bashkëpunëtorë e partnerët të KUB, studentëve në vite, një përshëndetje e jashtëzakonshme erdhi dhe nga PARLAMENTI EUROPIAN nga Euro-Deputetja e parë me origjinë shqiptate Zj. Arba Kokalari.
Sipas saj ‘Arsimi është fuqi’ dhe investimi që po bën Shqipëria dhe veçanërisht Kolegji Universitar i Biznesit me projektet Erasmus+ është mjaft e rëndësishme drejt ndërkombëtarizimit të institucioneve të arsimit të lartë. Studentët e dalë nga dyertë e Kolegjit Universitar të Biznesit janë të përgatitur për të na përfaqësuar në Europë, ka thënë Znj. Kokalari. E lumtur dhe e emocionuar që fjala e saj përshëndetëse ishte në drejtim të Kolegjit, presidentit Profesor Ylber Bezo, themeluesve, Drejtuesve dhe stafit akademik për punën e palodhur për një arsim cilësor per brezat e studentëve që kanë përfunduar studimet dhe për ata që do të vijnë.