“Ditët e Orientimit të Karrierës së Maturantit”

Akademia Profesionale e Biznesit ishte pjesë

e panairit “Ditët e Orientimit të Karrierës së Maturantit” të realizuar nga Ministria e Arsimit dhe Sportit në datat 26-27-28 Maj 2016. Qëllimi i këtij panairi ishte njohja e maturantëve me mundësitë dhe ofertat e ndryshme akademike të ofruara nga IAL-të publike dhe private. Gjatë këtyre tre ditëve, stenda jonë ishte nga më të vizituarat në këtë panair, ku pati mjaft vizitorë dhe maturantë të interesuar, të cilët u njohën nga stafi si edhe studentët tanë me ofertat akademike, mundësitë si dhe lehtësitë që Akademia Profesionale e Biznesit ofron për të gjithë studentët. Ditën e dytë të panairit, stafi drejtues i Akademisë së Biznesit prezantoi para shumë gjimnazistëve të interesuar duke i informuar rreth programeve të studimeve, ofertave dhe shumë risive që kemi programuar për vitin e ardhshëm akademik.

“Ekziston gjithmonë një e nesërme dhe jeta na jep mundësi te tjera që t’i bëjmë gjërat siç duhet, por nëse bëjmë gabime na mbetet vetëm e sotmja.

Sfido veten!

Bëhu bashkudhëtar në rrugëtimin tonë, se nuk do të ecësh kurrë i vetëm!”