“Dhuro gjak, shpëto një jetë”

“Dhuro gjak, shpëto një jetë” nën këtë moto studentët e Akademisë Profesionale të Biznesit u bënë pjesë e nismës humane të dhurimit të gjakut për fëmijët talasemikë. Falë bashkëpunimit ndërmjet Qeverisë Studentore dhe Kryqit të Kuq Shqiptar, stendat e dhurimit të gjakut u vendosën në mjediset e APB-së, ku dhe qëndruan për orë të tëra, duke u dhënë mundësinë edhe studentëve të pasdites për të dhënë kontributin e tyre në lidhje me këtë kauzë. Ne jemi krenarë që në gjirin tonë edukojmë studentë me vlera humane, të cilët nëpërmjet kontributit të tyre japin shembullin më të mirë për të rinjtë dhe shoqërinë shqiptare.