Ceremonia e mirëseardhjes!

Sot është një ditë e veçantë për të gjithë ata studentë të cilët ulen për herë të parë në auditorët tanë. Në sytë e tyre dukej qartë emocioni për rrugëtimin e ri që po nisin në rrugën e gjatë dhe të bukur të dijes, rrugë e cila kërkon përkushtim dhe sakrificë.
Gjatë këtij viti akademik ju do të keni mundësinë të përjetoni një eksperiencë të re, të veçantë dhe me më shumë hapësira për shprehjen e aftësive dhe mendimeve tuaja.
Ndërkohë një ditë e veçantë është dhe për stafin tonë akademik, i cili ka angazhimin dhe përgjegjshmërinë për të bërë më të mirën për ju, për të qenë nesër shembulli më i mirë i profesionistëve të ardhshëm.