Në ditët e sotme, interneti dhe rrjetet sociale janë dy koncepte të ndërlidhura që kanë
transformuar mënyrën si komunikojmë, lidhemi dhe informohemi në botën moderne.
Qëllimi i krijimit dhe përdorimit të rrjeteve sociale, është përdorimi i tyre si platforma
online që lejojnë përdoruesit të ndajnë përmbajtje të caktuara, të lidhen me përdorues të
tjerë, si dhe të krijojnë dhe të shpërndajnë përmbajtje të ndryshme. Efektivisht, zhvillimi i
kësaj teknologjie informacioni dhe komunkimi on line, mundëson ndërveprimin e
përdoruesve të rrjeteve sociale me njëri-tjetrin, në një ambient virtual, duke ofruar një gamë
të gjerë të shërbimeve dhe funksioneve.
Në këtë kontekst, interneti është bërë një medium i rëndësishëm komunikimi që ka vepruar
si katalizator për ushtrimin e lirive themelore të njeriut, siç edhe liria e shprehjes dhe e
informacionit. Jo vetëm kjo, por përdorimi i rrjeteve sociale ka krijuar shpesh diskutime për
një hapësirë të re digjitale që nxit ndërveprimin e ushtrimit të të drejtave dhe lirive
themelore të njeriut.
Në këtë punim, analiza e zhvillimeve që lidhen me marrjen e masave kufizuese për
përdorimin e rrjeteve sociale në vendin tonë, synon të sjellë një këndvështrim specifik mbi
raportin e drejtë që duhet të këtë përdorimi i rrjeteve sociale on line, me mbrojtjen dhe
respektimin e të drejtave dhe lirive themelore të njeriut.
Keywords: rrjete sociale, liria e shprehjes, të drejta dhe liri të tjera, kufizim,
proporcionalitet.