Qëllimi i këtij trajnimi profesional për: “Aftësim Profesional për Mbrojtjen e të Dhënave Personale” dhe “Nëpunës i Mbrojtjes së të Dhënave Personale”, është përgatitja profesionale e specialistëve në fushën e mbrojtjes së këtyre të dhënave, në përputhje me legjislacionin shqiptar dhe standardet e Bashkimit Evropian. Programi synon të pajisë pjesëmarrësit me njohuri teorike dhe aftësi praktike për administrimin, mbrojtjen dhe monitorimin e proceseve që lidhen me të dhënat personale në institucione publike dhe private. Përmes këtij trajnimi, pjesëmarrësit do të aftësohen të identifikojnë detyrimet ligjore, të menaxhojnë risqet e sigurisë dhe të zbatojnë politika efektive të privatësisë dhe konfidencialitetit. Njëkohësisht, programi krijon bazat profesionale për ushtrimin e funksionit të Nëpunësit të Mbrojtjes së të Dhënave Personale (DPO), një rol gjithnjë e më i kërkuar në tregun e punës.
Trajnimi profesional organizohet nga Kolegji Universitar i Biznesit dhe zhvillohet në dy sesione të ndërlidhura, të cilat synojnë përgatitjen profesionale të pjesëmarrësve në fushën e mbrojtjes së të dhënave personale dhe përputhshmërisë me standardet ligjore kombëtare dhe europiane.
Sesioni i Parë
Aftësim Profesional Për Mbrojtjen E Të Dhënave Personale
Sesioni i parë përbën bazën kryesore të programit dhe fokusohet në krijimin e njohurive profesionale mbi mbrojtjen e të dhënave personale, rëndësinë e privatësisë dhe përgjegjësitë që kanë institucionet publike dhe subjektet private në administrimin e informacionit.
Ky trajnim është ndërtuar për të ndihmuar pjesëmarrësit të kuptojnë standardet moderne të sigurisë së të dhënave, detyrimet ligjore që burojnë nga legjislacioni shqiptar dhe praktikat më të mira europiane në këtë fushë. Programi synon të krijojë një bazë të qëndrueshme profesionale për çdo individ që administron apo përpunon të dhëna personale gjatë ushtrimit të aktivitetit të tij profesional.
Nëpërmjet këtij sesioni, pjesëmarrësit do të zhvillojnë njohuri të rëndësishme mbi mënyrën e garantimit të konfidencialitetit, sigurisë dhe përdorimit të përgjegjshëm të të dhënave personale në institucionet ku ushtrojnë aktivitetin e tyre.
Për të kaluar tek programi i Nëpunësit të Mbrojtjes së të Dhënave Personale është e detyrueshme kalimi me sukses i Aftësimit Profesional për Mbrojtjen e të Dhënave Personale.
Sesioni i Dytë
Nëpunësi i Mbrojtjes Së Të Dhënave Personale (DPO)
Sesioni i dytë është një program i avancuar profesional i dedikuar për përgatitjen e specialistëve që synojnë të ushtrojnë funksionin e Nëpunësit të Mbrojtjes së të Dhënave Personale (Data Protection Officer/ DPO).
Ky sesion fokusohet në aspektin praktik dhe profesional të menaxhimit të proceseve që lidhen me mbrojtjen e të dhënave personale në institucione publike dhe private. Programi synon të zhvillojë aftësi profesionale për monitorimin e përputhshmërisë ligjore, administrimin e riskut dhe garantimin e standardeve të privatësisë dhe sigurisë së informacionit.
Trajnimi është hartuar në përputhje me kërkesat e legjislacionit shqiptar dhe direktivat e Bashkimit Evropian , duke përgatitur pjesëmarrësit për një rol gjithnjë e më të rëndësishëm dhe të kërkuar në tregun e punës modern.
Njohuri të plota mbi mbrojtjen e të dhënave personale
Pjesëmarrësit do të kuptojnë konceptet bazë të privatësisë, rëndësinë e mbrojtjes së të dhënave personale dhe mënyrën se si këto standarde aplikohen në institucionet publike dhe private.
Kuptim të kuadrit ligjor shqiptar dhe standardeve europiane
Trajnimi do t’i ndihmojë pjesëmarrësit të njohin detyrimet ligjore që burojnë nga legjislacioni shqiptar dhe direktivat e Bashkimit Evropian për mbrojtjen e të dhënave personale.
Aftësi për administrimin korrekt të të dhënave personale
Pjesëmarrësit do të mësojnë mënyrat e sigurta dhe profesionale të administrimit, ruajtjes dhe përpunimit të të dhënave personale në përputhje me kërkesat ligjore.
Rritje të ndërgjegjësimit mbi sigurinë dhe konfidencialitetin e informacionit
Trajnimi ndihmon në zhvillimin e kulturës profesionale për ruajtjen e privatësisë dhe mbrojtjen e informacionit nga përdorimi i paautorizuar apo shkeljet e sigurisë.
Aftësi për identifikimin dhe menaxhimin e riskut
Pjesëmarrësit do të njihen me mënyrat e identifikimit të risqeve që lidhen me përpunimin e të dhënave personale dhe me masat parandaluese për minimizimin e tyre.
Përgatitje profesionale për përputhshmëri institucionale
Ky sesion krijon bazat profesionale për të kuptuar dhe zbatuar standardet e kërkuara nga institucionet dhe bizneset që administrojnë të dhëna personale.
Përgatitje profesionale për funksionin e DPO-së
Pjesëmarrësit do të zhvillojnë njohuritë dhe kompetencat e nevojshme për të ushtruar funksionin e Nëpunësit të Mbrojtjes së të Dhënave Personale në institucione publike dhe private.
Aftësi për monitorimin e përputhshmërisë ligjore
Trajnimi do t’i ndihmojë pjesëmarrësit të kuptojnë mënyrën e kontrollit dhe monitorimit të proceseve institucionale për garantimin e përputhshmërisë me kërkesat ligjore të privatësisë.
Njohuri për hartimin dhe zbatimin e politikave të privatësisë
Pjesëmarrësit do të aftësohen në krijimin dhe administrimin e politikave dhe procedurave që lidhen me mbrojtjen e të dhënave personale dhe sigurinë e informacionit.
Aftësi për analizimin dhe menaxhimin e risqeve
Programi ndihmon në zhvillimin e aftësive profesionale për identifikimin e problematikave, analizimin e risqeve dhe ndërmarrjen e masave parandaluese në institucionet që përpunojnë të dhëna personale.
Menaxhim profesional i incidenteve dhe shkeljeve të sigurisë
Pjesëmarrësit do të njihen me procedurat dhe praktikat profesionale që ndiqen në rastet e incidenteve apo cenimit të sigurisë së të dhënave personale.
Zhvillim i kompetencave për tregun modern të punës
Ky sesion përgatit specialistë të kualifikuar për një profesion gjithnjë e më të kërkuar nga administrata publike, bizneset private, institucionet financiare, organizatat dhe sektori i teknologjisë.
Zv. Rektor & Drejtor Ekzekutiv (ISAB)
Dekan, Fakulteti i Ekonomisë, Drejtësisë dhe Shkencave Sociale
Lektore KUB
Duke klikuar “Prano të gjitha”, ju pranoni ruajtjen e skedarëve të personalizimit në pajisjen tuaj për të përmirësuar navigimin në faqe, për të analizuar përdorimin e sajtit dhe për të ndihmuar në përpjekjet tona të marketingut.
EN
