Pranë këtij Fakulteti studentëve u jepet mundësia e studimit në dy cikle: Studime të Integruara 5-Vjeçare & Master duke ju ofruar studentëve kurrikulat më të pasura dhe atraktive në përgatitjen e tyre për profesionet e ardhshme në fushën e Drejtësisë. Pas përfundimit të këtij cikli, të gjithë studentët me titullin “MSc”, gëzojnë të drejtën të konkurrojnë për vazhdimin e studimeve për Prokurorë dhe Gjyqtarë pranë Shkollës së Magjistraturës. Titulli “MSc” është gjithashtu një kusht i vendosur nga Dhoma Kombëtare e Avokatisë për regjistrimin si Asistent Avokat dhe më pas nënshtrimit të provimit të Avokatisë. Të gjithë të diplomuarit mund të punësohen në administratën publike qendrore dhe atë lokale, shoqëritë tregtare, Dhomat e Tregtisë, kompanive të siguracioneve, studiove ligjore, etj.
Fakulteti i Drejtësisë dhe Shkencave Politike ofron: Program i Integruar “Master i Shkencave në Drejtësi” dhe dy programe Bachelor në: “Shkenca Politike” dhe “Marrëdhënie Ndërkombëtare”. Këto programe ofrojnë njohuri bashkëkohore, për të përgatitur specialistë të aftë në fushën e drejtësisë, shkencave politike dhe marrëdhënieve ndërkombëtare, që të mund të kontribuojnë në sektorin publik, privat dhe më gjerë. Veprimtaritë formuese të këtyre programeve pajisin studentët me njohuri të thelluara në profesionet e juristit, politologut, diplomatit dhe specialistit të lartë në marrëdhënie ndërkombëtare.